| 最近做出黎既野...我只能夠用"差"去形容~ 做既所有野,都達唔到心目中預期既成績... 一次又一次既打擊,本來可以刺激我思考更多問題,但每當我諗起某樣野,我腦海就會即刻一片空白 即使我已經進入狀態,依個情況都會出現,而且係我無法阻止,我要生活係一個惡性循環當中ma?! 今朝我細佬唔使番學,冇人叫醒我,搞到我成8點先醒...我出得門口都趕唔設飛taxi,所以慢慢hea 而係返校途中,我諗起我同ar良講過既一句野"mk仔打dm一定auto bass!" dm全名係drummania,係機鋪入面最出名既鼓機之一 對於"mk仔打dm一定auto bass!"依句野,其實唔係if and only if既關係 所以我同ar良講果陣,係幾乎係冇思考既情況講左出黎 我依一刻諗起,,,"mk仔打dm一定auto bass!" 咁"唔玩auto bass既一定唔係mk仔"依句野成唔成立? 依個問題我覺得幾有趣,我諗左都幾耐下,由返學途中,去到學校樓下條斜路,先諗到一個推導既方法,亦都得到答案 但又衍生出另一個問題.....我自己(係!無錯,係我^^)本身係一個死mk仔,但係我打dm從來唔踩auto bass 因為事實同個命題唔相乎,所以"mk仔打dm一定auto bass!"好明顯係應該推翻 之不過,依然我先前既推導方法,點樣可以得出"mk仔打dm一定auto bass!"係同事實矛盾,我仲未諗到-_- 依d邏輯既問題,其實唔係咩深奧野,可以話係一條pure maths既題目,所以,,好值得去諗下 今日最尾既兩堂applied,對我自己黎講,有好深既反省 唔講果份炒左既applied測驗卷(因為不值一得) 原來我讀左咁多年數學,計過過萬條數學題~依家仲要係中七既數學理組,兩科maths+一科phys,幾乎每日都接觸數學 但係,我居然唔識,亦都冇主動求過,點樣去證明"負負得正"....... 希望大家唔好介意,"負負得正"對一般人黎講,係common sense,雞毛蒜皮,可以忽略既野 但我從來都唔覺得有野係眾人皆知,唔使解釋或加以論證,所以我成鬼日問d係人地眼中覺得無聊既問題
(我理解同接受到d人當某d野係common sense,而唔去理會當中原因,但我實在接受唔到d人用common sense之類既意思黎答我問題) 亦因此對於我忽略左"負負得正"既證明,我覺得既是恥辱,又要遺憾 恥辱在於我經常要求自己凡事諗得深入,尤其於學問上,但原來我連"點解負負得正"依個問題都冇諗過,實在諷刺 遺憾的是,讀左咁多年數學,依家先發覺,原來自己連中一二數學既根底都打得唔好-_-慘 最後係景源度得知證明方法,原來如此簡單,但反而係基於"正負得負",先能夠得出結論,好過癮!! 今日講既係咁多... |
